很有泰國風味的一道菜, 喜歡黃咖喱及嗜甜的朋友一定要試試!

食譜改自: 蘋果日報 2008/11/04 私家廚房 怪師傅

材料:
香蕉1條、雞全翼六隻、薯仔一大個
雞肉醃料：蛋黃1隻、鹽1/4茶匙、糖1茶匙、生粉1湯匙、胡椒粉少許
調味料：咖喱粉及紅糖各1茶匙、生抽1湯匙、椰漿3湯匙、水1杯

做法:

1. 把雞肉醃料在湯碗裡攪勻.

2. 將雞翼切件, 放入醃料湯碗裡醃 15 分鐘.

3. 薯仔切粒, 清水加一小撮粗鹽煮熟 (約十分鐘), 撈起備用.

4. 香蕉放入小焗爐, 連皮焗約 10~15 分鐘至焦黑, 去皮壓茸備用.

5. 開大火燒紅鑊, 落油後調中火, 放入雞件煎至一邊黃金色後, 反另一邊煎熟, 撈起備用.

6. 起鑊開大火, 落水、咖喱粉、生抽、紅糖及椰漿, 煮至滾起後加香蕉茸煮勻.

7. 再加雞件及薯粒, 煮至汁稠上碟即成.